貨櫃車拖40呎拖架配20呎貨櫃有幾危險---－rll33xb99t的部落格

標題:

貨櫃車拖40呎拖架配20呎貨櫃有幾危險???

發問:

貨櫃車拖40呎拖架配20呎貨櫃有幾危險??? 1) 貨櫃車司機經常話，40呎拖架配20呎貨櫃係好危險，但問佢地點解危險，佢地只係話「好容易反車」，到底有幾危險??? 又點解會「好容易反車」??? 2) 假設我係一個貨櫃車司機，如果我拖住一個40呎拖架，但去到貨櫃場 / 碼頭敢貨果陣先知道得一個20呎貨櫃的話，咁要點做先至可以令自己「安全」呢???? 更新: sorry，係取貨，唔係敢貨

此文章來自奇摩知識+如有不便請留言告知

最佳解答:

1 a) 40 呎拖架配 20 呎貨櫃 (重櫃) 危險性 1：拖架長, 貨櫃短, 如放在架尾 (俗稱擔煙斗) 上斜路或經駁位時, 車頭後輪經常唔可以全面貼地, 因為沒有重櫃壓實佢, 成架車重心在尾, 車頭唔夠力上斜/駁, 部份車輪打空轉, 成架車被迫停滯在路中, 要用木板/石塊等等既物體去填補路面與車輪間的虛位, 司機才可以慢慢加油駛過去。但注意呢個做法唔係司機一個人可以處理, 因為佢墊好虛位開車時, 個 d 木板/石塊會走位, 要熱心旁人幫佢一路行一路墊, 直至整個過程完成。呢個過程要在路中進行, 司機/旁人都好容易被其他失暈車輛撞倒, 而且墊位功夫做得唔好, 左右不平衡, 架車就會翻, 做成更大既傷害。危險性 2：落斜路或轉彎位時, 如路面唔平有高低, 架車就會擺尾, 而拖架尾重, 架車好容易失重心, 造成翻車意外。如果天雨路滑, 就會更加危險！ 1 b) 40 呎拖架配 20 呎貨櫃 (吉櫃) 只要慢行, 危險性不大。 2) 40 呎拖架配 20 呎貨櫃 (重櫃) 如果去到櫃場先至知道係 20 呎櫃, 可以叫櫃場/碼頭工作人員將隻櫃吊放在拖架中間 (俗稱中置櫃), 再加上慢行, 就會比較安全。但呢個方法令卸貨有困難, 因為貨台同隻櫃之間有 10 呎距離, 要搭條橋到隻櫃度先可以卸貨, 而且剷車上橋都要好小心, 否則連人帶車會跌落地面, 做成傷亡。其實「櫃紙」有寫明係 40 呎/20呎櫃架, 司機應該預先知道既, 如果真係冇寫, 都可以打電話去櫃場/碼頭問問。最好都係 40 呎架配 40 呎櫃, 20 呎架配 20 呎櫃啦！

其他解答:

好危險, 因為變左車的重量唔平衡. 轉彎很易出事. 亦冇乜可能將 d 貨放平均. 重櫃有d 會有 seal, 你唔會爆開佢. 執完貨. 再申請過另一條. 要錢的. 而且你開左, d 貨小左. 入邊個數 ?|||||無危險只要你將該 20呎貨櫃放在近車頭位置及將貨櫃內的貨平均擺放即可|||||好危險好危險好危險